د کابل ولایت په دوو ښوونځیوکې د افغانۍ د کارولو په اړه د عامه پوهاوۍ پروګرامونه ترسره شول
کابل، د ۱۳۹۸ کال د وري ۸ مه - د افغانستان بانک د افغانۍ د کارولو او ښه ساتلو بهیر په دوام کې دا ځل د کابل ښار دوو ښوونځیو کې د افغانۍ د ترویج د پیغام رسونې په موخه د عامه پوهاوۍ پروګرامونه په لاره واچول.
د افغانستان بانک د ریاست د دفتر لوی آمریت له خوا خواجه عبدالله انصاری او نادر یې لیسو څخه د افغانیو ترویج د پيغام رسونې او همدا شان د زده کونکو د تشویق په موخه لیدنه وشوه. په یاده لیدنه کې دغو ښوونځیو کې د افغاني د بانکنوټونو، د افغانۍ د دودولو ګټې او همدا شان د ملي ارزښتونو په باره کې معلومات وړاندې شول.
دغه راز له دې ښوونځیو څخه د لیدنې پرمهال د افغانیو د ترویج په پیغامونو ښکلې شوي ساعتونه او کلنۍ جنتري د مدیریتونو او ټولګیو لپاره او دښوونځیو استادانو ته د چای پیالې وویشل شوې. دغه راز سوداګریزو مرکزونو او د معاملاتو لارښوونې دفترونو ته چېرته چې د خلکو تګ راتګ زیات وي، هم دغه توکي وویشل شول.
