د اسنادو د ترتیب او تنظیم په اړه د معلوماتي غونډې جوړېدل
د ختیځ ساحوي زون او د لغمان، کنړ، نورستان او تورخم د نمایندګیو د استازو لپاره د اسنادو د ترتیب او تنظیم په اړه د محرم الحرام د میاشتې پر ۹ مه نېټه د ختیځ زون د مرستیال ښاغلي احمدزي توحیدیار په ګډون غونډه جوړه شوه.
په یاده غونډه کې د افغانستان بانک د ریاست د دفتر د کارکوونکو لخوا چې ولایتي همکارانو ته د اسنادو د ترتیب او تنظیم د روزنې د ورکړې په موخه ننګرهار ولایت ته سفر کړی د اړوندې موضوع په اړه یې معلوماتي پریزنټیشن وړاندې کړ.
د افغانستان بانک په مرکزي دفتر کې د اسنادو د برښنایي کولو پروسه بشپړه شوې او د شاوخوا ۳۲ کلونو اسناد برښنایي شوي دي. باید وویل شي چې ولایتونو ته هم د اسنادو د الکترونیکي کولو د غځونې پروسه روانه ده.
د یادولو وړ ده چې د افغانستان بانک مشرتابه پلاوی ژمن دی چې د دغه بانک د کارکوونکو او په ټول کې د ګرانو هیوادوالو لپاره په بیلابیلو برخو کې اړینې اسانتیاوې برابرې کړي.
